DR. RAM BHOSALE : The Visionary Pioneer of Samvahan Vibrational Massage Therapy and Holistic Healing Excellence

©Poonam$

“डॉ. राम भोसले म्हणजे सिद्धहस्त, दिव्यस्पर्शी व रूग्णांच्या व्याधी लीलया दूर करणारा अवलिया आणि संवाहन या स्पंदनथेरपीचे उस्ताद.”

डॉ. राम भोसले यांच्याशी झालेल्या अद्भुत भेटीस निमित्त ठरली ती म्हणजे त्यांनी उदयास आणलेली “संवाहन” नामक स्पर्शविद्या.

“हे शास्त्र म्हणजे आपल्या बोटांचा व हातांचा योग्यरीतीने वापर करून संगीताच्या लयबद्ध व प्रसन्नमय वातावरणात पीडितांच्या व्याधी हरायचे प्रभावी अस्त्र असं म्हटलं तरी वावगं ठरणार नाही.”

संवाहन ही विद्या खरंच वर्णन करायच्या पलीकडची आहे. जे काही माझ्या अल्पबुद्धीला सुचत आहे ते मनोगत स्वरूपात मांडून माझी या विद्येबद्दलची व ही विद्या माझ्यापर्यंत प्राथमिक स्वरूपामध्ये पोहोचवणार्‍या प्रत्येक व्यक्तीबद्दलची कृतज्ञता आज व्यक्त करत आहे.

श्रीराम नवमी २०२३

डॉ. राम भोसले — नाम तो सुना ही होगा
हा वही हस्ती जिनके हाथों के बलबुते होता था ७२००० नाड़ियों का नर्तन
एक दिव्य “न भूतो न भविष्यति” अवलिया, जिस से उभरा स्पंदनयुक्त पीडाहारक मर्दन

संवाहन नामक स्पर्शविद्या का करके आविष्कार
पीड़ितों के लिए खोल दिया रोगमुक्ति का द्वार

अखंडित रुग्णसेवा का व्रत, बेजोड़ मेहनत की तालीम
रोग की तीव्रता को कर देते थे बेअसर, चाहे हो वह कितनी भी जालिम

यह भारतीय बच्चा जा पहुँचा विदेश की भूमि मिटाने अपनी ज्ञान की प्यास
इस कर्मयोगी ने आजीवन लिया था “Work is Worship” का ध्यास

गुरु आज्ञा का काज संभालते-संभालते ना जाने कब बन गए यह खुद एक सरताज
आज जन्मदिन है ऐसे नायाब कोहिनूर का, जिस पर हमें है पूरा-पूरा नाज़

      खरं सांगायचं तर डॉ. राम भोसले हे जगद्विख्यात हिलर, स्पंदन मसाज तंत्राचे माहिर, कर्मयोगी, एक बहुरंगी व्यक्तिमत्व आणि अनेक-विध शास्त्रांचे जाणकार. “सिद्धहस्त” आणि “दिव्यस्पर्शी” या दोन पुस्तकांमार्फत आपल्याला त्यांच्याबद्दल अधिक जाणून घेता येऊ शकते. प्रत्येकाने त्यांचे पुस्तक वाचावे, त्यांचा अफाट जीवन प्रवास जाणून घ्यावा, त्यातून बरेच काही शिकून घ्यावे आणि आपल्याला भावलेल्या काही गोष्टीतरी आचरणात आणण्याचा प्रयत्न करावा.

© Poonam$

      माझ्या हिलिंग क्षेत्रातील प्रवासादरम्यान आपण मला भेटलात व काही अनुभूतींचे व आपल्या आशीर्वादाचे दान माझ्या पदरात घातले, हे माझे परम भाग्य. एक हिलर म्हणून सुरू असलेल्या माझ्या प्रवासात, जेव्हा मलाही निराशा व इतर काही कारणांनी दीर्घकाळ मूर्च्छित झाल्यासारखे वाटत होते, त्यावेळी हाती आलेल्या “सिद्धहस्त” ह्या पुस्तकाने माझ्यासाठी संजीवनीची भूमिका बजावली. पुस्तक वाचताना डोळे अनेकदा अश्रूंनी भरलेले होते. “सिद्धहस्त” या पुस्तकातून मिळालेल्या प्रेरणेने मनाला नवी उभारी मिळाली.

श्रीराम नवमी २०२६

      डॉ. राम भोसले हे स्पंदन मसाज तंत्र म्हणजेच स्पर्शोपचाराच्या क्षेत्रातील एक विलक्षण आणि जागतिक स्तरावर मान्यता मिळवलेले तज्ञ होते, ज्यांनी “संवाहन विद्या” या प्राचीन भारतीय उपचार परंपरेला नवचैतन्य देत तिला एक सखोल अध्यात्मिक आणि वैज्ञानिक आयाम प्रदान केला. त्यांच्या दृष्टीने संवाहन ही केवळ मसाज पद्धती नव्हती, तर शरीर, मन आणि चेतना यांचा सूक्ष्म समतोल साधणारी एक ऊर्जा-आधारित साधना होती, ज्यात स्पर्श हा उपचाराचा माध्यम बनतो आणि प्राणशक्तीचा प्रवाह जागृत होतो. त्यांच्या उपचार पद्धतीमुळे अनेकांना दीर्घकालीन वेदना, ताण आणि मानसिक अस्वस्थतेतून लक्षणीय आराम मिळाल्याचे अनुभव व संशोधनात्मक नोंदी प्रत्यक्ष दिसून आल्या आहेत.

      बालपणीच कठीण परिस्थितींना सामोरे जात असतानाही डॉ. राम भोसले यांनी आपल्या अंतर्गत शक्तीवर विश्वास ठेवत पुढे जाऊन नृत्य, संगीत आणि अध्यात्म यांचा सखोल अभ्यास केला आणि त्यातूनच त्यांनी स्पर्शोपचाराची एक अद्वितीय दिशा विकसित केली. त्यांनी पारंपरिक भारतीय ज्ञान आणि स्वतःच्या अनुभूतींचा सुंदर संगम साधत संवाहन विद्येला केवळ उपचार तंत्र न ठेवता एक जागृत साधना म्हणून उंचावले, जिथे उपचारकाची सजगता, शुद्धता, साधना आणि अंतर्गत शांतता ही उपचाराच्या प्रभावाचे केंद्रबिंदू ठरतात. त्यांच्या मते खरा उपचार हा तंत्रातून नव्हे, तर प्रेम, करुणा आणि उपस्थितीच्या गाभ्यातून घडतो.

      डॉ. राम भोसले यांनी भारतासह युरोप आणि इतर अनेक देशांमध्ये अनेक रुग्ण पीडामुक्त केले. तसेच हजारो लोकांना या उपचार पद्धतीची ओळख करून दिली आणि त्यांना स्वउपचार तसेच इतरांच्या सेवेसाठी प्रेरित केले. त्यांच्या कार्यामुळे संवाहन विद्या केवळ एक उपचार पद्धती न राहता एक जागतिक चळवळ बनली, जी आजही त्यांच्या शिष्यांद्वारे पुढे नेली जात आहे. त्यांच्या शिकवणीतून स्पष्ट होते की शरीराच्या पलीकडे जाऊन चेतनेच्या स्तरावर परिवर्तन घडवून आणणे हेच खरे उपचार आहे.

      त्यांचे संपूर्ण जीवन हे निःस्वार्थ सेवा, साधेपणा आणि प्रेम यांचे सजीव रूप होते, जिथे प्रत्येक व्यक्तीकडे त्यांनी अपार संवेदनशीलतेने आणि आदराने पाहिले. त्यांच्या स्पर्शात उपचाराची गूढ शक्ती होती आणि त्यांच्या विचारांमध्ये मानवतेसाठी करुणेचा अमर संदेश होता. आजही डॉ. राम भोसले यांचे कार्य आणि तत्त्वज्ञान उपचार क्षेत्रात दीपस्तंभासारखे मार्गदर्शन करते आणि असंख्य साधकांसाठी प्रेरणेचा अखंड स्रोत ठरत आहे.

“सिद्धहस्त” या पुस्तक वाचनानंतर सारांश स्वरूपात लिहलेली कविता खाली प्रस्तुत करत आहे.